بھارت میں تابکاری مواد کی چوری اور فروخت کے بار بار ہونے والے واقعات

مودی سرکار کی غیر ذمہ داری کے باعث بھارتی عوام کی زندگیاں خطرے میں پڑ گئیں۔ مودی سرکار کی غیر ذمہ دارانہ سوچ کی بدولت آج بھارت میں عام لوگ تابکار مواد ہاتھ میں لیے گھوم رہے ہیں۔ بھارت میں تابکار مواد عام شہریوں کی دسترس میں ہونے کی خبروں کے بعد مودی سرکار شدید تنقید کی زد میں آ گئی۔
حال ہی میں بھارت کی ریاست بہار میں 3مشتبہ افراد سے تابکار مواد ضبط کیا گیا۔ مشتبہ افراد سے کروڑں کی مالیت کا 50 گرام تابکار مواد برآمد کیا گیا۔ سال 2022 میں دو بھارتی شہریوں کو نیپال میں “یورینیم مادہ” غیر قانونی طور پر رکھنے اور فروخت کرنے کی کوشش کے الزام میں گرفتار کیا گیا تھا۔

بھارتی شہریوں نے یہ مواد مبینہ طور پر بھارت سے اسمگل کیا تھا۔ مئی 2021 میں ایک اسکریپ ڈیلر سے 7 کلو گرام تابکاری یورینیم بر آمد کیا گیا جس کی مالیت 210 ملین روپے تھی ۔ گزشتہ دو دہائیوں کے دوران 200 کلو گرام سے زائد جوہری اور تابکار مادّہ مبینہ طور پر بھارتی تنصیبات سے غائب ہو چکا ہے۔ بھارت میں جوہری مواد کے نقصان اور چوری کے متواتر واقعات بھارتی نیوکلیئر سیکیورٹی کی ناکامی کی نشاندہی کرتے ہیں۔