بھارت کی آبی دہشتگردی جاری
حالیہ بارشوں سے ہونے والے نقصانات کے بعد پاکستان کو اب بھارت کی آبی دہشتگردی کا سامنا ہے۔ ایک رپورٹ کے مطابق ؛ ” بھارت نے بنا خبردار کیےدریائےراوی اور دریائے چناب کے سپل اوورز کھول دیئے، جس کی وجہ سے پاکستان میں ہزاروں دیہات اور لاکھوں ایکڑ رقبہ زیرِ آب آ چکا ہے” ۔
بھارت کے بغیر وارننگ جاری کیئے اچانک پانی چھوڑ دینے کی وجہ سے پاکستان میں ہنگامی صورتِ حال پیدا ہوئی۔پی ڈی ایم اے, پنجاب کے مطابق ، بھارت کی جانب سے دریائے چناب میں پانی چھوڑے جانے کے بعد دریائے چناب پر قادر آباد بیراج پر پانی کی سطح تیزی سے بڑھ رہی ہے۔ بھارت کی جانب سے دریائے چناب میں پانی چھوڑے جانے کے نتیجے میں پانی کی سطح 2 لاکھ کیوسک سے بڑھ کر 2 لاکھ 50 ہزار کیوسک ہونے کا امکان ہے۔
دریائے راوی میں جسڑ اور شاہدرہ کے مقام پر 40 سے 55 ہزار کیوسک پانی کا بہاؤ متوقع ہے جبکہ پی ڈی ایم اے کی جانب سے نچلی سطح پر سیلاب کی وارننگ جاری کی گئی ہے۔
پی ڈی ایم اے نے علاقہ مکینوں کو محفوظ مقامات پر منتقل ہونے کی ہدایت کی ہے۔ بھارت اپنی جارحانہ پالیسیوں اور آبی دہشت گردی کے ذریعے خطے کاامن تباہ کرنا چاہتاہے۔ آخر کب تک مودی حکومت خطے میں دہشت گردی کو فروغ دیتی رہے گی؟