طالبان کے افغانستان میں عوام ملک چھوڑنے پر مجبور

طالبان کے اقتدار پر قابض ہونے کے بعد سے افغان سرزمین اپنے ہی باشندوں کے لئے تنگ کر دی گئی۔ انٹرنیشنل آرگنائزیشن فار مائیگریشن (IOM) کی رپورٹ کے مطابق طالبان کے اقتدار کے دوران 80 لاکھ افغان باشندے ملک بدری پر مجبور ہوئے۔ طالبان کی بے جا پالیسیوں اور سخت قوانین کے تحت افغانستان کی سر زمین اپنی ہی عوام کے لئے جہنم بن چکی ہے۔
رپورٹ کے مطابق ، طالبان کی جانب سے دہشتگردی کے فروغ اور بنیادی ضرورتوں پر توجہ مرکوز نہ کرنے کے باعث نصف سے زائد آبادی غربت کی لکیر سے نیچے زندگی گزارنے پر مجبور ہیں۔
افغان عوام کو بنیادی ضرورت زندگی سے محرومی، سنگین جبر اور ناانصافیوں کا سامنا ہے۔ طالبان کے زیر اقتدار افغانستان میں دہشتگردی، خونریزی اور اسمگلنگ میں خاطر خواہ اضافہ ہوا ہے جس سے عوام شدید نفسیاتی اور معاشی دباؤ کا شکار ہو چکی ہے۔
اقوام متحدہ کی متعدد رپورٹس سے بھی ثابت ہو چکا ہے کہ طالبان کے دور حکومت میں عوام کے حقوق کی شدید پامالی ہو رہی ہے جس کے لئے طالبان کے خلاف سخت اقدامات کرنے کی ضرورت ہے۔