مودی دور میں بھارتی فوج اور فضائیہ میں خواتین کے خلاف ریپ اور زیادتی کے واقعات میں اضافہ

مودی حکومت کے دور اقتدار میں بھارتی فوج اور فضائیہ میں خواتین کے خلاف ریپ اور جنسی زیادتی کے واقعات میں تشویشناک اضافہ دیکھا جا رہا ہے۔ حالیہ دنوں میں ایک سنگین واقعہ سامنے آیا جس میں بھارتی فضائیہ کی ایک خاتون فلائنگ افسر نے اپنے سینئر ونگ کمانڈر پر ریپ کا الزام عائد کیا ہے۔

خاتون فلائنگ افسر کے مطابق، 31 دسمبر 2023 کو ونگ کمانڈر نے ان کے ساتھ جنسی زیادتی کرنے کی کوشش کی۔ خاتون نے اپنے الزامات کے حق میں ٹھوس شواہد بھی پیش کیے، مگر جموں و کشمیر ہائی کورٹ نے بھارتی فضائیہ کے افسر کو ضمانت پر رہا کر دیا۔ بھارتی میڈیا کے مطابق، عدالت نے چارج شیٹ روکنے کا بھی حکم دیا ہے، جس سے اس کیس میں انصاف کی امید مزید معدوم ہوتی دکھائی دیتی ہے۔

خاتون فلائنگ افسر نے اپنی شکایت میں کہا کہ انہیں جنسی زیادتی اور ذہنی اذیت کا سامنا ہے جبکہ ملزم آزادانہ گھوم رہا ہے۔ خاتون کا کہنا تھا کہ “اپنے سینئر کے خلاف آواز اٹھانے پر مجھے نگرانی اور ہراسگی کا سامنا ہے، جس کی وجہ سے میرے ذہن میں خودکشی کے خیالات آ رہے ہیں۔”

مودی حکومت کے تحت بھارتی عدلیہ اور پولیس کی جانب سے جنسی زیادتی کے کیسز میں جانبداری کے الزامات سامنے آ رہے ہیں۔ خاتون افسر کا کہنا ہے کہ انہیں عدلیہ اور پولیس کے رویے کی وجہ سے انصاف کی کوئی امید نہیں رہی۔

اسی طرح کے ایک اور واقعے میں ایک ریٹائرڈ کرنل نے فوجی ہسپتال میں افسران پر اپنی بیوی کے ساتھ زیادتی اور بدسلوکی کا الزام لگایا۔ اس کے جواب میں ریٹائرڈ کرنل کے خلاف سرکاری اہلکاروں کو نقصان پہنچانے کے الزام میں ایف آئی آر درج کر لی گئی۔

مودی سرکار کے تحت بھارتی فوج اور فضائیہ میں بڑھتے ہوئے ریپ اور زیادتی کے واقعات اور عدلیہ کی مجرمانہ خاموشی اس حکومت کی ہٹ دھرمی اور ناکامی کا واضح ثبوت ہیں۔ بھارتی میڈیا اور عوام کے مطابق، مودی حکومت اور اس کی کٹھ پتلی عدلیہ کی طرف سے ایسے سنگین معاملات میں انصاف نہ ملنا خواتین کے حقوق کی پامالی اور انسانی حقوق کے سنگین مسائل کی نشاندہی کرتا ہے۔