مودی سرکار کی بنگلہ دیش کی مجرم حسینہ واجد کی پشت پناہی

بنگلہ دیش کی مفرور وزیرِاعظم شیخ حسینہ واجد کو بھارت میں مودی سرکار کی پشت پناہی حاصل ہے جس پر بنگلہ دیش مفرور وزیر اعظم حسینہ کی بھارت سے حوالگی پر غور کر رہا ہے۔ تاہم مودی سرکار مکمل خاموشی اختیار کیے ہوئے ہے۔

مقامی عدالتوں میں حسینہ واجد کے خلاف قتل اور اغوا کے مقدمات درج ہیں۔ حسینہ پر طلبہ تحریک کے دوران وحشیانہ قتل کے احکامات جاری کرنے، متعدد کارکنوں کو غائب کرانے اور اُن کے قتل کی راہ ہموار کرنے کے حوالے سے مقدمات درج کیے گئے ہیں۔ حسینہ واجد اور ان کے رفقائے کار کے خلاف قتلِ عام کے مقدمات کی کارروائی شروع کردی گئی۔ متعدد مقدمات درج ہونے کے باوجود مودی سرکار کی ہٹ دھرمی برقرار ہے۔

ماضی میں بھی بھارت مجرموں کی محفوظ پناہ گاہ رہ چکا ہے۔ 1971ء میں بھی بھارت کی مداخلت اور گھناؤنی سازش سقوطِ ڈھاکہ میں کلیدی کردار ادا کر چکی ہے۔ آخر بھارت کب تک دوسرے ممالک کے اندرونی معاملات میں مداخلت کرکے مجرموں کو پناہ دیتا رہے گا؟