انتخابات سے قبل بھارتی اپوزیشن پارٹی کے اکاؤنٹس منجمد

مودی سرکار اپوزیشن جماعتوں کی مقبولیت سے بوکھلاہٹ کا شکار ہو گئی۔ مودی سرکار کی جانب سے بھارتی مرکزی اپوزیشن جماعت کانگرس کے اکاؤنٹس منجمد کر دیے گئے۔ کانگریس لیڈر ملک ارجن کھارگے کے مطابق، کانگریس پارٹی نے دعویٰ کیا کہ انکے چار بینک اکاؤنٹس کو منجمد کیا گیا۔ یہ ہندوستانی جمہوریت کے لیے افسوسناک دن کی علامت ہے۔
بھارتی تجزیہ کاروں کے مطابق، مودی کی حکومت قانون نافذ کرنے والے اداروں کو اپنے سیاسی دشمنوں کو نشانہ بنانے کے لیے استعمال کر رہی ہے، پارٹی کے خلاف کارروائی کا مقصد انتخابات سے پہلے اسے پس پشت ڈالنا ہے۔
کانگریس ترجمان اجے ماکن کہتے ہیں کہ قومی انتخابات کے اعلان سے قبل اہم اپوزیشن پارٹی کے اکاؤنٹس کو منجمد کرنا جمہوریت کو چیلنج کرنے کے مترادف ہے۔ مجھے لگتا ہے کہ مودی سرکار ایک پارٹی سسٹم کی طرف جانا چاہتی ہے۔
اس فیصلے کے خلاف ہم عدالت میں اپیل کر رہے ہیں اور عوامی احتجاج بھی کریں گے۔اکائونٹس منجمد کرنے سے پارٹی کا معاشی نظام درہم برہم ہو گیا ہے۔ مودی حکومت کی جانب سے ان الزامات پر ابھی تک کوئی رد عمل نہیں آیا۔