سفارتی سطح پر بھارت کو بڑی شرمندگی کا سامنا
13 December 2023
بھارت کو مودی سرکار کی انتہا پسند پالیسیوں کی بدولت سفارتی سطح پر ایک اور بڑی شکست اور جگ ہنسائی کا سامنا کرنا پڑا۔
بھارتی ایجنسیوں کی گرپرونت پنوں کے قتل کی منصوبہ بندی ظاہر ہونے کے بعد امریکہ نے بھی بھارت سے منہ موڑ لیا۔ مودی نے امریکی صدر جو بائیڈن کو جنوری 2024 میں ہونے والے ریپبلک ڈے اور QUAD سمٹ میں مدعو کیا تھا۔
بھارت میں تعینات امریکی سفیر کے مطابق جو بائیڈن بھارت میں ہونے والی ریپبلک ڈے پریڈ میں شامل نہیں ہوں گے۔ اس سے قبل بھی بھارت میں QUAD سمٹ تاخیر کا شکار ہو چکا ہے۔
جنوری 2024 کی تاریخ سے قبل رواں سال مئی میں QUAD سمٹ منعقد کرنے کا اعلان زیر التواء ہو چکا ہے۔
امریکی صدر کی بھارت کے ریپبلک ڈے اور QUAD سمٹ میں شریک نہ ہونے کی وجہ بھارت کا سکھ رہنماؤں کے قتل کی سازش میں ملوث ہونا ہے۔
بھارت سکھ رہنما کے قتل کی سازش کے بے نقاب ہونے کے بعد امریکہ کے ساتھ سفارتی تعلقات بحال کرنے کی کوششیں کر رہا ہے۔
جی 20 سمٹ میں ناکامی کے بعد اب آئندہ ماہ ہونے والے کواڈ کے اجلاس کا نہ ہونا بھارت کے لیے ایک اور بہت بڑی ناکامی ہے۔